إبكي ... ترى بعض البكا يشفي الألم .. يطفي السعير
..................... إبكي مثـل عصفـورةٍ .. مـا همّهـا كلمـة مـلام
شوفي عيونـك ودّهـا لـو تسكـب الدمـع الغزيـر
..................... لازم عشـان النّـاس يعني تبتسم ؟ .. والله حـرام !
لا تسـألينـي كيـف أفهـم كلّ ما صـار ويصيـر
..................... لا تسـألينـي كيف وانتي ساكتـة .. أسمـع تمـام
من قال إنك ساكتـة ؟ .. هذي العيـون فيها الكثيـر
..................... يا حلوتي ... نظرة عيونـك تختصـر كل الكـلام !
أفهـم أنـا هذي اللغـة .. في نظرتك صايـر خبير
..................... ألقطهـا وهيّ طايـره حتـى ولـو فـوق الغمـام
أقرا فـرح قلبـك إذا مِسكَـت يَـدِك طفـلٍ غـرير
..................... واقرا معانـي الخـوف لا تهتي غريبـه في الزحام
واقرا الحِـزِن .. لا شفتـي دمعاتٍ على خد الكسير
..................... واقرا الولـه لا مِـن رئيتـي .. وردةٍ حمـرا تنام
الله يا روعـة وصوفـك .. غير انتـي والله غيـر
..................... يا اطهـر قلوب الغيد واصفـاهم وأكثـرهم سـلام
يا أحلـى من سحر الهوى ... يا ارقّ من نسمة عبير
..................... يا اجمل هديّـة في الوجود .. يا اغلى بشر بين الأنام
خلّي السوالف للغريب ..! خلّي السوالف للصغير ..!
..................... للي جهـل معنى العيون ... للي جهـل معنى الغرام
اللي يظـن انّ الهـوى كلّـه حكـي ... والله فقيـر
..................... يبغيله درسٍ في الهـوى ... ومحتـاج أكثر اهتمـام
ما ظنّـي أذكـر كلمـةٍ لو قالهـا صاحـب عشيـر
..................... لكنّـي أذكـر نظرتـك ... من شفتها عييت أنـام !
من شفتها عيونك .. وانا طايـح من اسبابـك أسيـر
..................... من دون ما أحكي ... أقول : آنا اعشقك لين العظام !
آنا شبيهك في الغـرام .. وننتظـر نفـس المصيـر
..................... أعزف على اوتـار الهـوى واسمّعك نغمـة هيـام
وادري بأنّـك تسمعينـي ... دون ما أحكـي كثيـر
..................... مثلك أنا ... نظـرة عيونـي تختصـر كل الكـلام
م.ن
موضوع: نظرة عيونكــ تختصر كــل الكلام .... 
الأحد 13 يونيو 2010, 2:20 am
ـــــــــــــلاوي 
