سعاده × سعاده...و راحه × راحه.. توفيق × توفيق ..رزق ×رزق

السلام عليكم ورحمة الله وبركاته

بنات شحالكن؟؟ عساكن بخير...



ولاتنســوني من دعواتكم...


الوصـــفه ..

أولا- الصــــــــدقة

.. تصدقي وايد
ترا الدعوات تستجيب اذا ييتي تتصدقين..
خلي عندج صندوق صغير (وكل يوم تصدقي لو بريال) ونهايه كل شهر او شهرين او ثلاث (جمعيهم بظرف) لاي جمعيه او اي مصلى .
بتشــــوفين كيف الخير
ربي ينصرج ويأخذ حقج ويحقق امانيج..>> عن تجربه شخصيه مني ترا



ثانيا- الاستغــــــــفار

استغفري وااايد وااااايد بنيه شيء تبينه لين يتعود لساانج انه يستغفر وايد...

من لزم الاستغفار جعل الله له من كل هم فرجا ومن كل ضيق مخرجا ورزقه من حيث لايحتسب




ثالثا- ارقدي وأنتي قلبج ابيض صافي

مب شايله على اي احد ولا حتى لو ذره كره او حقد او انتقام او عتاب ابد ابد..
فوضي امرج الى الله فأنه بصير بالعباد..



رابعا- كرري دوم قول لا اله الا انت سبحــــــانك اني كنت من الظالمين...



خامسا- القــــــــــــرآن
عودي عمرج انج دايما تقرين قرآن ولو شوي ..لأن القرآن راحة للقلوب ويشرح النفس ويكفي إن
كلام الله ..وفيه التسهيل والتوفيق والبركه والخير..
القرآن يغير النفوس ويهديها ويريحها...




سادسا- كوني باره بأمج وأبوج

وشيلهم شيل وحطيهم بعيونج واغليهم ياقلبي ترا دعواتهم تسعدج وتغير نصيبج للافضل
قولي لامــج ادعــــــــــــــــــــي لي يا اماااايه ترا دعواتج تستجاب


اعرف بنات.. متوفقين بحياتهم بشكل!!!! وكله من دعوات اماتهم.. كل يوم كل لحظه بري بامج وابوج خلي امج تدعي قولي لها ادعي لي يا أمااااااااايه
ترا احيانآ يجهلون قيمه ان الامهات دعوتهم لابنائهم تغير حظهم وتصيبهم بالأسوأ إذا دعو عليهم او للافضل اذا دعوو لهم



سابعا_ قيــــــــــــام الليل

قيام الليل لها طعم ثااااااااااااني ..وفيها نور فالويه سبحان الله
مافي وحده قامت ليلها ودعت ربها وربها ما عطاها اللي تباه...
صلاة القيام مهمة يا بنات..اللي ما جربتها يعني ضاع نص عمرها
قيام الليل فيها راااحه نفسيه واحسن وقت لها فالثلث الاخير من الليل.
قيام الليل تقربج من ربج وتريحج وتخلينذج مستانسه ومرتاحه ..وتفرج الأحزان والهموم وكل شي


ثامنـــــــــــــا_
.
.
الثقـــــــــــــــــــه برب العالمين
ثقي فيه ثقه تااااااامه
ادعي ربج فهو يستحي ان يردج صفرآ..

كافر دعى ربه ثلاث مرات وكل مره كانت الملائكه ترده
الله سبحانه مارضاها للكافر كيف ترد عبدي وقال لبيك لبيك لبيك ثلاثآ
وهذا للكافر.!

فكيف أنتي المؤمنة التقية النقية
الله عند حسن ظن عبده به فليظن به مايشاء

عيشـــــــــــــي حياتج ترى الدنيا ماتسوى وقصيرة
أنتي زعلانه على ماضي.!!
خلاص انسيه عيشي حدود يومج عشان تعيشين اجمل سنين عمرج..
احمـــــــــدي ربج عندج مواصفات ماهي عند اي وحده
مليون الف الف وحده تتمناها

ترى كل وحده فينا عندها ميزه ماهي عند غيرها

عيشي حياتج استااانسي اطلعي روحي وتعالي وثقي بربج واقنعي نفسج انج بتعيشين أحلى سنين عمرج عشان حياتج وسعاادتج انتي الي تبنينها وعلى اساسها يكون هو بيتج ودنيتج..

اعلمي ان الدنيا ماتسوى عند ربي جناح بعوضــه ..

والله يسعد قلوبكم يارب..

ولا تنسوني خواتي من دعواتكم،،





سبحان الله والحمدلله ولا إله الا الله والله أكبر

اللهم صل على محمد وعلى آله وصحبه وسلم أجمعين