يرجى تسجيل الدخول للأعضاء و الإشتراك للزائرين لكي يتسنى لكم المشاركة في جميع الأقسام

نتمنى لكم قضاء وقت ممتع بصحبتنا

مع تحيات الإدارة العامة لشبكة منتديات تايغر




 
الرئيسيةالتسجيلدخول

شاطر | 
 

 للي يحب الحزن..

اذهب الى الأسفل 
كاتب الموضوعرسالة
النمر الشرس
Big Bo0s


عدد المساهمات : 34
العمر : 30
تاريخ الميلاد : 09/04/1988
تاريخ التسجيل : 07/01/2010


مُساهمةموضوع: للي يحب الحزن..   الجمعة 14 مايو 2010, 7:52 am

المـواريد العـذاب






ياحادرينٍ للديار اللـي رتـع فيهـا السحـاب

اللي طوال العـام ماجفـت بطـون شعابهـا

اللي بها خضر الروابـي والمواريـد العـذاب

وسج القدم فيهـا دوا للنفـس ممـا صابهـا

هنيكم لامن مشيتـوا بيـن وديـان وهضـاب

والفيتـوا بيـوتٍ لزايرهـا تهـج أبوابـهـا

اللي أهلها للكرم مـدوا اليديـن بـلا حسـاب

لـو اليديـن بقـل لكـن قلـهـا ماعابـهـا

ياليتني جـاراً لهـم والبـاب للآخـر قـراب

وأطماعـي اللـي خالفتنـي ليتنـي كسابهـا

ويا وجد عيني يوم أمد الشوف في ذيك الرحاب

وأنقل نظر عيني مابيـن سهولهـا وهضابهـا

ماني بمخفيكم وقلبـي بيّـن فيـه الصـواب

الله يبـارك فاللـي أغليـت الديـر بأسبابهـا

اللي وطيت لعينهـا روس الثقيـلات الصعـاب

ماطحت لـو أن السنيـن ينوشنـي مخلابهـا

الفتنه اللي تنهمر فيني كمـا الشهـد المـذاب

وتغمرني بحب تمنّـه عـن جميـع أقرابهـا

وأنا أعرفها من قبل تستر حلاهـا بالحجـاب

مـن قبـل تدنـي للثمـار اليانعـه جلبابهـا

وأرضي هواها لو بديعات الحسن مني غضاب

هن ماحسبت حسابهن وهي حسبت حسابهـا

حبي لها والله يعلـم ماهـو بطيـش الشبـاب

حـب نسانيـس الجنايـن تنفحـه بأطيابهـا

وقلب هواها وأتبعها ماتبـع وهـج السـراب

عسـاه يومنـه تبعهـا يلحـق ويهنـا بهـا

لا أبطت علي وجيت أعاتبهـا يبكيهـا العتـاب

وأنا ليا منهـا بكـت حرمـت وقـت عتابهـا

هي العنا وقت الهنا وهي الهنا وقـت العـذاب

قلبي إن جته يشقا بها وإن خلته يشقـا بهـا

كانت إلى جاء العيد جتني والزمن بالوصل طاب

تعايـد فـؤادي وأنـا أعايـد نهـاراً جابهـا

وتقوم تورد لي طواريق الفتن من كـل بـاب

وتفتن عيوني فـي حلاوتهـا وزيـن ثيابهـا

وتمد لكفوفي كفوفٍ زانهـا نقـش الخضـاب

وأنا اتنعم بالدفـا وأنسـى نقـوش خضابهـا

راحت بها الدنيا وصافي الجو غطـاه الضبـاب

وأصبحت في حالٍ عسى الأصحـاب ماتبلابهـا

لغيابها حسـرة وأنـا قلبـي مكـدره الغيـاب

الله لا يسقـي نهـاراً حـل فـيـه غيابـهـا

يبقى الغلا الصادق طوال العمر محشوم مهاب

تشيلـة الأرواح لـو يفنـى الجسـد يبقابهـا

ويامن حدرتو للديار اللي رتع فيهـا السحـاب

هنيكـم بالمشـي بيـن سهولهـا وهضابهـا

جتكم خوافي قلبي اللي طاغي فيـه الصـواب

ياطيب فالي لو تقولـو لـي تـرا جينـا بهـا










بـادليني المواسـاه






لا ياهوى القلـب المعّنـا ورجـواه لاتتركيـن احـداً يحّـس بوجعنـا

ماظني احـداً يحمـل اللـي حملنـاه حنـا خلقنـا والمعـانـاه معـنـا



الهـم بادرنـا وحـنـا كتمـنـاه والوقـت شتتنـا بعـد ماجمعـنـا

والصبـر حنـا فالغـرام ابتدعنـاه لكـن حسافـه صبرنـا مانفعـنـا



مـا مـر يـوم ببعدنـا مابكينـاه ومن ضيقنا كن الوطـن ماوسعنـا

لامن ذكرنا وقتنـا اللـي قضينـاه صحنا بعالي الصوت محـدن سمعنـا



للوصل دربٍ مـن عنانـا مشينـاه وفآخره لـدروب المفـارق رجعنـا

يومن جزعنـا مـن ثقيـل المعانـاه محدن درى في حالنـا لـو جزعنـا



ارواحنـا تلقـى بعـض فالمناجـاه نبحر واذا جانا العنا نقـول : دعنـا

مـا واحـداً منـا تنّكـر لمـبـداه نبقى على نهج الوفـا مـا استطعنـا



لو غيرنا زلّـت بـه اقدامـه وتـاه واصبح يعيـش بدنيتـه دون معنـى

حنا عرفنا الوقـت فأولـه واتـلاه لوينخدع به غيرنا .. مـا انخدعنـا



ويانـور عينـي بادلينـي المواسـاه يكفـي تـرا ممـا دهانـا شبعنـا

ارجوك كفي دمعتك .. واكتمي الآآه لاتتركيـن احـداً يحـس بوجعنـا









ذكــراك

الله مـن شـيً طـرا فـي بالـي

ما هوب فـي ظنـي ولا تقديـري

شـيً إلـى جالـي يشّيـن فالـي

لو جيت ابوحه ما قـدر تصويـري

ويثير فـي قلبـي لهيـبٍ صالـي

كنـه يقـول لذكرياتـي سـيـري

ويسير همـي ليـن يـارد جالـي

ويمد دلوه ويغـرّف مـن بيـري

ويجيب لي ذكراك يا أغلى غالـي

واحضر لهّـمٍ مطمعـه تحضيـري

هم لفالي مـن قطعـت وصالـي

ولا مـن تناسيتـه بـدا تذكيـري

اخلـي التفكيـر مـنّـك خـالـي

ولا أدري إلا وانت فـي تفكيـري

وأحـاول اصبـر ميـر واعزالـي

ما احتلت في شي وقدر تصبيـري

لـو تظلـم الدنيـا علّـي لحالـي

ذكـرك لحالـك قـادراً تنويـري

في عشقك أبـدع طيـب الأمثالـي

عشان أشدك في حسـن تعبيـري

ما دام مـا غيـرك بقلبـي والـي

يجوز لي مـا لا يجـوز لغيـري

ان جيتني طاب بحضـورك فالـي

واهديتك أغلـى حبـي وتقديـري

وأصبحت طيري..ماكرك فالعالـي

وشلون ما تعـلا مدامـك طيـري

وان راح عمري وأنت ما أنت قبالي

قلت لحياتـي ..للنهايـة سيـري












روحي جفــاف

جفولٍ جفاني والجفا شب جوفي نـار

وجنوبي جفت من عقب فقده مضاجعها

جفاني وجفت من سبب جفوته انهـار

وروحي جفاف وجارح الجوع راجعها

جرحني وثار الوقت بعده ودار وجـار

بجوفي جيوش الهم تكثـر مواجعهـا

توطى الخفوق المبتلى وطية الفجـار

على دار قـومً آمنـه فـي مهاجعهـا

وفجر جروحٍ جاثمـه جرمهـا جبـار

بنفـسً تـزوّد كـل ليلـه فواجعهـا

جموع الهموم تجول فيني وانا محتـار

اقلّـب هجـوسً يجرفنـي واراجعهـا

ادوّر جواب لجـاش هدنـه الأسفـار

يدور سليـم حلـول فكـره وناجعهـا

وادور جفولً لو يجيني مع الاسحـار

لا أسري بيوت الشعر وأجيه ساجعها












روح الخليل

قبل الموادع .. والفراق المر .. والبعد الطويـل

كلمـه بصـدري مابغيـت آروح قبـل أقولهـا

لو كنتي أوفى من بذل روحه لأجل روح الخليـل

ولو كنتي أصـدق سيـرةً ماينمحـي مدلولهـا

ولو كان قلبك لو يشوف الجور .. مايعِرِِف يشيل

ولو كانت أ وصوفك صبايا الكون ماوصلو لهـا

ولوكان عطفك في متاهـة دنيتـي ظًـل ظليـل

ولو كان في صوتك دفا الأصوات مع معسولهـا

لكن .. وصالك صار في تالـي زمنـاّ مستحيـل

صرتي سواة الشمس ..كيف أهل اليدين تطولها؟

جاملـت معـك ولا تبيـن لـي كثيـر ولاقليـل

حاولت اواصلك الدروب وشفت مانتـي حولهـا

قلت اصبر الصبر الجميل وخلّص الصبر الجميل

كم ليلةً مرت علـيّ .. يابردهـاا يـاا طولهـا

الهم يبدأ كل يوم أليا مضـت شمـس الأصيـل

أدخل حياةً مـن دخـل فيهـا يضيـع بهولهـا

مواجـع مـن بعدهـا الخفـاق خفـاق ًعليـل

وروحً يصارعهـا مخارجهـا علـى مدخولهـا

ودي أطولّ بالحكي مـن دون ماطّـري رحيـل

لكن مدام أنه طرا ..هذي الحياه وقولهـا .. !!








غـربـة الـروح

رضيت بالحزن عمر وبالمواجع خليـل

وقدرت اعيش بحيـاةٍ باهـتٍ لونهـا

عودّت نفسي مدامي جيت عابر سبيـل

كل ما دهتني مصيبـه قلـت ياهونهـا

عاصرت من دورة الأيام شـيٍ مهيـل

ومريت بـدروب غيـري مايمرونهـا

من كثر ماشلت ماباقي بجوفي مشيـل

روحي تدور معيـن ولا لقـت عونهـا

كم شجرةٍ جيت أدور لي تحتهـا مقيـل

وحتت ورقها وعرّت فوقي غصونهـا

واليا رميت الهموم بسهم صبراً جميـل

اما يجـي خلفهـا والا يجـي دونهـا

اسمع بصدري صياح وهمهمات وعويل

وأردهـا خايـفٍ لا النـاس يوحونهـا

من غربة الروح ضيعت الهدى والدليل

وخطاي تاهت ولابـه مـن يقدونهـا

نهاري أعتم وليلي بالتعاسـه طويـل

الكون مشرق وروحي مظلـمٍ كونهـا

هذي علومي بعد فقد الظـلال الظليـل

مالي من الدور خاويهـا ومسكونهـا

زهدت في عيشتي بعد ام طرفٍ كحيـل

ياليتي ادري بتالي الوقـت وشلونهـا

عهدي بها يوم تروي قلبي السلسبيـل

من قيظ الأيام توردني علـى عيونهـا

وتفيض في قلبي الظميان شوق وتسيل

وأروى ولا أروى وأعود أظما لماعونها

وان سولفت كني أسمع للحمايم هديـل

وأقوم أغنـي لهـا والاحـي لحونهـا

كان اختصار الأنوثه في جسدها النحيل

يلغي جميع النسـا بعيـون مفتونهـا

كنا سوى والزمن بالوصل مده جزيـل

ذقنـا حـلاة الحيـاه اللـي يقولونهـا

ومن ذاق قلبه حنان منقضات الجديـل

والله لتشتالـه الدنيـا علـى متونهـا

وانا بعد ما أهتنيت أقفت وحل الرحيـل

وياويل حالـي ليـا قامـو يطرونهـا

بابقى عليلٍ يحركـه النسيـم العليـل

لاهب في قاع روحـه جنـت جنونهـا

ومادام راحت مابي من حلمي الا القليل

أن عشت في قلبها وان مت فعيونهـا









قبـل المفـارق

أن كان ما شفت التعاسه وش تشوف

في عيوني اللي مـا تخفّـي تبـدّي

تظهر لك الهم الذي داخـل الجـوف

وتسكب لك اللي جوفها فوق خـدّي

حدّي وصلت ولا حدٍ فينـي ايـروف

مما دهى الخفّـاق وصّلـت حـدّي

مانيب في من تحقر الناس مكلـوف

مكلوف في من كـان نـدّي وقـدّي

قدّمت معروفي وانا أطمع بمعـروف

وياليتهـا ماجـت بمعـروف يـدّي

عمري كما نهرٍ على ضفّة الخـوف

قلّي بربك كيف ابـ.. اسلم واعـدّي

كنّي مكبّل مـن عذابـي ومكتـوف

وقلبي احسّـه مـن صوابـه ينـدّي

صارعت شيٍ مرني غيـر مألـوف

ضعّف قواي وبيّـح أسـرار سـدّي

يومك تجي وتشوفني عنك مصروف

غصبٍ علي مانـي معـاك متـردّي

قلبي يروح مـع التفاكيـر ويطـوف

ويجيب لـي مـا لا يجـاب ويـودّي

أحـلام وآلام ومتاهـات وطـيـوف

لارحت منهـا صـار فيهـا مـردّي

صحيح أحبك ..! بس مريت بظروف

خلتني أعرف من معي ومين ضـدّي

ودامك زرعت الصد والزرع مقطوف

اليوم ذق ماطاب من طلـع صـدّي

ودامك معي وتشوفني شوف مكفوف

فارق ..! وخل اليـوم هـذا يعـدّي

وقبل المفارق لد في عيوني الشوف

شف حبك اللي راح ..! مرواح جدّي










قـم ياولد




أبطيت ما أبديت مافي خاطـري مـن كـلام لـو بيـن الاضـلاع هـمٍ مايعـدّه عــدد

سكّـت لأن الكـلام يهـجّ بـاب الـمـلام واليوم طالت بـي اوجاعـي وطـال الأمـد

اليا انجلا الليـل الاظلـم حـل بعـده ظـلام كـن الظـلام متسيّـد عالـمـي لـلأبـد

ورحى المواجـع ليـا دقـت جـروحٍ قـدام قامـت سنينـي تناولهـا جـروحٍ جــدد

واليا تقضّبت فـي حبـل الرجـا مااستقـام امّا فلت مـن يـدي والا غـدا مـن مسـد

صحيت مـن صدمـةٍ منهـا يفيـق النيـام في غفلتي مادريت الاّ بـ.. (( قم ياولـد ))

ووقفت والمـوت مابيـن اللحـم والعظـام يفتك وانا اطلـب مـدد لكـن مابـه مـدد

ناديت من حولي وصوتي صـدح فالزحـام وصـداه عـوّد علـي يقـول مافيـه احـد

ربعي مضوا دون عوده .. لو حشمت الحشام واصحابي اقفوا بعد .. واحبابي اقفـوا بعـد

والغيث عيّـا يحـول مـن بطـون الغمـام لو .. لوّح البرق فـي وجهـه ودنّ الرعـد

أمشي واشوف التساؤل في عيـون الأنـام
ليه الزمـان انقلـب والكـون جـنّ وقعـد

ليه انقتل حلم مـن يحلـم بعيـش السـلام اليا سلم من حميّـد .. ماسلـم مـن حمـد

بين المحـن والـزلازل والحمـم والحطـام ذنوب تفعل عمـد .. وذنـوب شبـه العَمَـد

وطى الكبير الصغير وقيـل حسـب النظـام ووطت بلد في بلـد .. قالـوا سياسـة بلـد

وانا أرى والله اعلـم .. والنـوازل جسـام نص البلاوي بدت من تحـت راس الحسـد

كلن يبا الـزود عنـده لـو يجـي بالحـرام ياخـذ ويمنـاه .. مغلولـه ليـا جـا يمـد

اضعاف الانفس هل الروغـات روس اللئـام تناقـص ايامهـم واحوالهـم فـي نـكـد

لا شافوا ابن الكرام اللـي بلـغ لـه مـرام كلن جذب من قصـي الـروح ونّـة كمـد

أبديت بعض الكلام .. وفيـه عنـدي كـلام عساااي ما انحّد في عمري واقولـه لأحـد








موت الآمـال

ودعتك الله ولو مابعـد فقـدك حيـاه

لكن علـى الله والدنيـا هـذا حالهـا

البعـد سنـة حيـاه وسكـةً للوفـاه

لاحّل ..عّل القلـوب ومّـوت آمالهـا

روحي ولو مالخطواتي بَعَـدك إتجـاه

دروبي إن ما انتهت بك مالي ومالهـا

غيبي .. وقلبً تعلّق فيك فأول صبـاه

نّوخ وحملة جروحـه كلهـا شالهـا

بفقدك لامّن همّي جاب لـي مـاوراه

إليا أطردتني جميع الخلق من بالهـا

لاصرت وحدي ويومي سرمدياً مساه

ومَلَت فضاي الهموم وطاب منزالهـا

والكون كنّه على الشبرين خلا مـداه

والأرض خبت نساها وأبقت رجالهـا

بفقد حنانك ,, إلى أشتد الزمان بقساه

ولاحولي قلوب من حرماني ألجا لهـا

قلبك فقيده عسى الله مايبيـن غـلاه

لو ساعة موادعك مرتنـي أهوالهـا

واليوم لو الخفوق يقول لك وش بلاه

بعض السوالف رحم قلبك ولا قالهـا

مادام دربً مشينا به وصـل منتهـاه

ولاعـاد بيديننـا حيلـه ونحتالـهـا

ولاعاد بقلوبنا ياكـود ونّـه .. وآآه

نهاية فصـول دنيـاً ماحسبنـا لهـا

بودعك ,, والعزا وقتاً كشف عن رداه

روحي وانا اروح والدنيا هـذا فالهـا

وان جاك بعدي من يقول السعاده معاه

قولي حبيبي قبل لاتقولهـا قالهـا





للشاعر مرزوف الروقي
الرجوع الى أعلى الصفحة اذهب الى الأسفل
http://tiger-brand.yoo7.com
wa9lawya
مراقب عام
avatar

عدد المساهمات : 1143
العمر : 31
تاريخ الميلاد : 05/04/1987
تاريخ التسجيل : 03/02/2010
الموقع : In My Heart


مُساهمةموضوع: رد: للي يحب الحزن..   الجمعة 21 مايو 2010, 9:40 pm

حلوووة الكلمات .. شرات ما قلتي للي يحب الحــزن ويخاويه بيليق عليه

تسلمين حبــــــــــ ـــــــي على الشـــــــــعر الغــــــــاوي

نتريا يديدج

تحياتي :

wa9lawya


الرجوع الى أعلى الصفحة اذهب الى الأسفل
المجرمة
عضو برونزي
avatar

عدد المساهمات : 436
العمر : 30
تاريخ الميلاد : 16/12/1987
تاريخ التسجيل : 27/01/2010
الموقع : ماااا عاااد يفرق .. كــــــل شي فينا تغير ..


مُساهمةموضوع: رد: للي يحب الحزن..   الإثنين 24 مايو 2010, 2:20 am

ربـــي يبعد الحزن عن كل غالي وعزير على قلبي

واشكرج حبيبتي على الطرح اللي اكثر من راائع ويعطيج العافيه


اتريى يدييدج

حياتي .. خويتج المجرم
الرجوع الى أعلى الصفحة اذهب الى الأسفل
RomanTic-TiGeR
Big Bo0s
avatar

عدد المساهمات : 986
العمر : 30
تاريخ الميلاد : 09/04/1988
تاريخ التسجيل : 21/01/2010
الموقع : قصر الغموض


مُساهمةموضوع: رد: للي يحب الحزن..   السبت 29 مايو 2010, 9:03 am

اشكر مروركم حبايبي ومثل ما قلتي غلاااي ربي يبعد الحزن عنكم


الرجوع الى أعلى الصفحة اذهب الى الأسفل
Dalo0o3a
عضو مميز
avatar

عدد المساهمات : 144
العمر : 30
تاريخ الميلاد : 18/06/1988
تاريخ التسجيل : 16/02/2010
الموقع : في قلب حياااتي


مُساهمةموضوع: رد: للي يحب الحزن..   الجمعة 25 يونيو 2010, 9:44 am

الله كلاام روعه

كشششششخه

تقبلي مروري

دلوووعه

الرجوع الى أعلى الصفحة اذهب الى الأسفل
 
للي يحب الحزن..
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: برانـــد الأدبــ والثقافة :: ځۅآطړ ۅأڜعآړ-
انتقل الى: